“தேவரீர் ஒருவருக்கே விரோதமாக நான் பாவஞ்செய்து, உமது கண்களுக்கு முன்பாகப் பொல்லாங்கானதை நடப்பித்தேன்” . –
(சங்கீதம் 51:4)
வேத பகுதி | சங்கீதம் 51
2. என் அக்கிரமம் நீங்க என்னை முற்றிலும் கழுவி, என் பாவமற என்னைச் சுத்திகரியும்.
3. என் மீறுதல்களை நான் அறிந்திருக்கிறேன்; என் பாவம் எப்பொழுதும் எனக்கு முன்பாக நிற்கிறது.
4. தேவரீர் ஒருவருக்கே விரோதமாக நான் பாவஞ்செய்து, உமது கண்களுக்கு முன்பாகப் பொல்லாங்கானதை நடப்பித்தேன்; நீர் பேசும்போது உம்முடைய நீதி விளங்கவும், நீர் நியாயந்தீர்க்கும்போது உம்முடைய பரிசுத்தம் விளங்கவும் இதை அறிக்கையிடுகிறேன்.
5. இதோ, நான் துர்க்குணத்தில் உருவானேன்; என் தாய் என்னைப் பாவத்தில் கர்ப்பந்தரித்தாள்.
6. இதோ, உள்ளத்தில் உண்மையிருக்க விரும்புகிறீர்; அந்தக்கரணத்தில் ஞானத்தை எனக்குத் தெரியப்படுத்துவீர்.
7. நீர் என்னை ஈசோப்பினால் சுத்திகரியும், அப்பொழுது நான் சுத்தமாவேன்; என்னைக் கழுவியருளும், அப்பொழுது நான் உறைந்த மழையிலும் வெண்மையாவேன்.
8. நான் சந்தோஷமும் மகிழ்ச்சியும் கேட்கும்படி செய்யும், அப்பொழுது நீர் நொறுக்கின எலும்புகள் களிகூரும்.
9. என் பாவங்களைப் பாராதபடிக்கு நீர் உமது முகத்தை மறைத்து, என் அக்கிரமங்களையெல்லாம் நீக்கியருளும்.
10. தேவனே, சுத்த இருதயத்தை என்னிலே சிருஷ்டியும், நிலைவரமான ஆவியை என் உள்ளத்திலே புதுப்பியும்.
11. உமது சமுகத்தை விட்டு என்னைத் தள்ளாமலும், உமது பரிசுத்த ஆவியை என்னிடத்திலிருந்து எடுத்துக்கொள்ளாமலும் இரும்.
12. உமது இரட்சணியத்தின் சந்தோஷத்தைத் திரும்பவும் எனக்குத் தந்து, உற்சாகமான ஆவி என்னைத் தாங்கும்படி செய்யும்.
13. அப்பொழுது பாதகருக்கு உமது வழிகளை உபதேசிப்பேன்; பாவிகள் உம்மிடத்தில் மனந்திரும்புவார்கள்.
14. தேவனே, என்னை இரட்சிக்குந் தேவனே, இரத்தப்பழிகளுக்கு என்னை நீங்கலாக்கிவிடும்; அப்பொழுது என் நாவு உம்முடைய நீதியைக் கெம்பீரமாய்ப் பாடும்.
15. ஆண்டவரே, என் உதடுகளைத் திறந்தருளும்; அப்பொழுது என் வாய் உம்முடைய புகழை அறிவிக்கும்.
16. பலியை நீர் விரும்புகிறதில்லை, விரும்பினால் செலுத்துவேன்; தகனபலியும் உமக்குப் பிரியமானதல்ல.
17. தேவனுக்கேற்கும் பலிகள் நொறுங்குண்ட ஆவிதான்; தேவனே, நொறுங்குண்டதும் நருங்குண்டதுமான இருதயத்தை நீர் புறக்கணியீர்.
18. சீயோனுக்கு உமது பிரியத்தின்படி நன்மைசெய்யும்; எருசலேமின் மதில்களைக் கட்டுவீராக.
19. அப்பொழுது தகனபலியும் சர்வாங்க தகனபலியுமாகிய நீதியின்பலிகளில் பிரியப்படுவீர்; அப்பொழுது உமது பீடத்தின்மேல் காளைகளைப் பலியிடுவார்கள்.
நம்முடைய வாழ்க்கையில் நாம் செய்யும் ஒவ்வொரு பாவமும் தேவனுக்கு விரோதமானது. அது சிறியதாகவோ அல்லது பெரியதாகவோ இருக்கலாம். ஆனால் அது தேவனுக்கு விரோதமான பாவம். நாம் நம்முடைய வாழ்க்கையில் தேவனுக்குப் பயப்படுகிறவர்களாகக் காணப்படுவோமானால், அவருக்கு விரோதமாக பாவம் செய்கிறவர்களாக எவ்விதமாக வாழ முடியும்? நம்முடைய ஒவ்வொரு பாவமும் அவருடைய அன்புள்ள இருதயத்தை வேதனைப் படுத்துகிறது. இந்த உணர்வை நாம் அநேக வேளைகளில் கொண்டிருப்பதில்லை. ஆகவே நாம் துணிகரமாகவும் பாவம் செய்கிறோம். பாவம் செய்யும்போது எனக்கும் தேவனுக்கும் இருக்கும் உறவை அது பாதிக்கின்றது. நம்முடைய வாழ்க்கையில் நாம் பாவம் செய்வதற்குப் பயப்பட வேண்டும். தேவனுக்கு முன்பாக நம்மை குற்றமுள்ளவர்களாக நிறுத்தும்படியானவைகள் எதுவாக இருந்தாலும் அவைகளை நாம் உதறித்தள்ளி, பாவத்தை விட்டு விலகி ஓடுகிறவர்களாகக் காணப்பட வேண்டும். நாம் ஆண்டவருக்கு விரோதமாக பாவம் செய்வது எப்படி? தேவரீர் ஒருவருக்கே விரோதமாக நான் பாவம் செய்தேன் என்று தாவீது சொல்லுகிறான். நாம் செய்யும் எந்தப் பாவமும் தேவனுக்கு விரோதமானது. இது எவ்வளவு ஒரு ஆபத்தான நிலை என்பதை நாம் விளங்கிக்கொள்வது அவசியம். தேவன் தாமே நம்மை அந்த நிலைக்கு விலக்கி காப்பாராக.
free books for download
Sermon Download
Reformed Baptist Church - website
You can browse our church website for more sermons on different topics, tamil christian messages.
